Shkodra është shpallur qyteti evropian i sportit 2025. Këtë lajm të mirë e dha kryetari i Bashkisë së Shkodrës, Benet Beci, ekskluzivisht nga Parlamenti Evropian që po mbahet në Bruksel.
Kryebashkiaku u shpreh se ky është një vlerësim i rëndësishëm për qytetin e Shkodrës” e cila krahas njohjes ndërkombëtare, duke filluar nga sot e në vazhdim do të përfitojë nga ky bashkëpunim për përmirësimin e politikave sportive lokale, mundësinë e granteve nga Bashkimi Evropian, shkëmbimin e përvojës me qytete të tjera evropiane e mbi të gjitha gjallërimin e jetës sportive në qytet.
Pritet që qyteti i Shkodrës të ketë një seri aktivitetesh që do ta shndërrojnë vitin e ardhshëm në një qendër të madhe kampionësh në shumë disiplina sportive.
/E.S
