Ndërsa ndodhet i paraburgosur në Burgun 313, Ilir Meta ka qenë njëkohësisht edhe kandidat në listën e hapur të koalicionit opozitar.
Ai ka marrë një numër të madh votash nga burgosurit e tjerë në këtë institucion, ku ka siguruar një mbështetje të konsiderueshme.
Sipas të dhënave nga QV nr. 1867/01, brenda paraburgimit 313, Meta ka marrë 58 vota nga “shokët” e burgut. Por, edhe pse të dënuarit aty i dhanë mbështetje, Meta nuk arriti të sigurojë një vend në Kuvend, pasi deri më tani ka marrë 5350 vota në total.
Në zgjedhjet e 11 majit në Shqipëri, Ministri i Brendshëm, Ervin Hoxha, ka rezultuar kandidati më i votuar nga të paraburgosurit. Ndërkohë, në Burgun 313, i dyti më i votuar ka qenë kryetari i Partisë së Lirisë, Ilir Meta, me 58 vota.
Meta refuzoi të ishte pjesë e listës së mbyllur për të fituar mandat të sigurt dhe qëndroi në listë të hapur. Meta prej disa muajsh ndodhet në qeli, ndërkohë që Gjykata nuk ka dhënë ende një dënim për të. m.p.
