Situata për shkak të pandemisë duket se është rënduar edhe në Serbi.
Vetëm në 24 orët e fundit në spitalin “Novi Pazar” kanë ndërruar jetë 10 persona.
Mediat serbe bëjnë më dije se koordinatori i spitalit Dr. Mirsad Gjerlek ka njoftuar se të gjithë viktimat ishin të moshuar.
“Ishte një natë e rëndë, kemi dhjetë të vdekur, të cilët ishin mbi 75 vjeç dhe asnjëri nuk humbi jetën sepse nuk iu dha ndihma mjekësore”, citohet të ketë thënë Gjerlek.
Aktualisht ka 3,339 raste aktive të coronavirusit në Serbi, dhe COVID-19 ua ka marrë jetën 352 personave deri më tani. /Ra.My. Fjala.al/
