6 vjeçari Bridfer Walker, pati nevojë për 90 qepje pasi u kafshua në fytyrë nga një qen. Djaloshi që doli para qenit për të mbrojtur motrën e vogël është shpallur kampion nderi i botës nga Këshilli Botëror i Boksit.
Këshilli vendosi që të nderonte vogëlushin për guximin që sipas tyre përfaqëson “vlerat më të mira njerëzore.”
Fotot e tij teksa përqafon të motrën u bënë virale në rrjetet sociale ndërsa halla e tij Nicole Walker postoi foton duke treguar historinë se si 6-vjeçari u sulmua nga një qen i tërbuar.
“Më 9 korrik nipi im 6-vjeçar Bridger shpëtoi jetën e motrës së tij duke i dalë para qenit që po sulmonte. Pasi u kafshua disa herë në fytyrë e në kokë ai kapi dorën e motrës dhe u largua me të për ta shpëtuar” shkruante në postim halla e djalit.
Bridger u kafshua rëndë në faqen e majtë dhe pati nevojë për dy orë operacion. Kur u pyet nga babai se përse nuk u largua, djali dha përgjigjen frymëzuese: “Nëse dikush duhet të vdiste, ai duhet të isha unë”./Re.Gu/Fjala.al
