Disa shkencëtarë nga ETH Cyrih i Zvicrës kanë vendosur se si të prodhojnë ar në laborator I cili peshon 5 deri në 10 herë më pak se ari 18 karat. Ky lloj ari mund të përdoret për të zbukuruar bizhuteri që do të ruanin vlerën e arit origjinal, por do të ishin dukshëm më të lehta.
Ari i ri është bërë me fije proteine dhe polimere të lateksit duke krijuar një matricë që mbyll disqet e hollë të nanokristalëve të arit. Tingëllon e komplikuar por e thënë më lehtësisht ky ar është krijuar nga plastika.
Sipas njërit prej profesorëve të përfshirë në prodhim, Rafaele Mezenga, ari i ri ka të gjitha tiparet e plastikës dhe arit. Është i lehtë, nëse bie në një sipërfaqe të fortë tingëllon si plastikë, por shkëlqen si ari dhe mund të përpunohet si ar klasik.
Mezenga thekson se ari plastik mund të përdoret për bizhuteri, por edhe në pajisjet elektronike siç janë telefonat inteligjentë ose televizorët./Fjala.al
