Marrëveshja e nënshkruar ditën e sotme mes Kosovës dhe Serbisë u përshëndet dhe nga kreu i PD, Lulzim Basha.
Basha i kushton një falenderim të veçantë presidentit Trump dhe thotë se ka shpresë kjo marrëveshje do të përbëjë një hap të rëndësishëm drejt normalizimit të marrëdhënieve dhe njohjes reciproke mes Kosovës e Serbisë./Jo.Be/Fjala.al
Postimi i plotë i Lulzim Bashës:
Personalisht dhe në emër të Partisë Demokratike përshëndes marrëveshjen e arritur mes delegacioneve të Kosovës dhe Serbisë në Shtëpinë e Bardhë. Një falenderim të veçantë për Presidentin Trump dhe SHBA, për vëmendjen dhe përkushtimin ndaj Kosovës dhe Ballkanit. Shpreh shpresën dhe besimin se kjo marrëveshje do të përbëjë një hap të rëndësishëm drejt normalizimit të marrëdhënieve dhe njohjes reciproke mes Republikës së Kosovës dhe Republikës së Serbisë, duke i kontribuar kështu paqes, stabilitetit dhe integrimit Euro-Atlantik të rajonit
