Cilat janë gabimet e PD në këto afro 8 vjet në opozitë? Ish-ministri Myqerem Tafaj deklaron në emisionin HARD TALK NGA ROLAND QAFOKU se largimi nga parlamenti dhe mospjesëmarrja në zgjedhjet lokale të vitit 2019 duhet të ishin konsultuar me partnerët ndërkombëtarë nga ana e PD.
-Ishte normal vendimi për daljen nga parlamenti?
-Ishte një vendim tepër i vështirë, i detyruar. Unë them që ishte një vendim shumë i vështirë, një vendim i detyruar. Një mazhorancë ka jo thjesht përgjegjësinë për të zhvilluar ekonominë, etj. etj., por ka një përgjegjësi tjetër shumë të madhe. Të garantojë stabilitetin e një vendi.
-Domethënë PD bëri mirë që u largua nga Parlamenti?
-PD ishte e detyruar, por unë mendoj se largimi duhet të ishte i konsultuar me partitë si motra dhe partnerët ndërkombëtarë.
-Po mos marrja pjesë në zgjedhje?
-Edhe ky ishte një vendim i cili duhet të ishte konsultuar shumë më mirë./Fjala.al/Ke.Ba
