Një ngjarje e rëndë ka ndodhur në Zvicër teksa në një familje shqiptare ku një shtetas kosovar është gjetur vdekur në apartamentin e tij.
Gjithashtu, mediat zviceriane raportojnë se kanë ngelur të plagosura edhe gruaja e tij 50-vjeçare së bashku me vajzën 17-vjeçare. Policia e Zyrihut njofton së pak para orës 7:00 të këtij mëngjesi është raportuar për dhunë në një familje transmetojnë mediat zvicerane, por pa saktësuar se çfarë ka ndodhur konkretisht.
Policia e njoftuar për ngjarjen ka gjetur dy gra, nënë e bijë të gjakosura, kurse kryefamijari, 47 vjeçari me iniciale M.B, ka gjetur vdekjen. 47-vjeçari pavarësisht se kishte marrë ndihmën e parë, nuk arriti t’iu mbijetojë plagëve duke vdekur ne vendin e ngjarjes.
Gruaja e viktimës, 50-vjeçare dhe vajza 17-vjeçare u dërguan në spital për trajtim, thuhet jashte rrezikut per jeten.
Viktima njihej si biznesmen, pasi kishte një biznes makinash, ndërkohë që djali kishte një kompani te vetën. Fqinjët thonë se ata ishin një familje shumë e qetë që shihte punën e saj. Djali i viktimës, ka rrëfyer për median zvicerane se kur ai kishte dalë nga shtëpia pak orë para se të raportohej krimi gjithçka ishte në rregull.
“Nuk e di çfarë ndodhi. Jam i shokuar. Policia deri më tani nuk më ka dhënë asnjë detaj për rastin”, shprehet djali 20-vjeçar i viktimës.
Pa.Va/Fjala.al
