Hëna e plotë mahnit qytetin e Salento-s, dhe i dhuron pamje unike. Giusy De Santis dhe Luigi Marzo kanë fotografuar satelitin që mbizotëronte në qiellin e Otrantos, më 13 tetor, duke krijuar kështu një kompozim tepër të veçantë. Nga njëra anë katedralja, e në të majtën Hëna që ngrihet nga Shqipëria.
Nuk është hera e parë që malet shqiptare mund të shihen nga brigjet e qytetit të Salentos, dhe dy fotografët nuk kanë lejuar tu shpëtonte kjo panoramë, duke ruajtur kështu në fotografitë e tyre Hënën që ngrihet nga mali Çika.
“Ishte një pamje shumë e bukur ajo që shihej mbi kanalin e Otrantos”, dhe syrit të një fotografi sigurisht që nuk mund ti shpëtonte kjo. Ajo është një pikë magjike sepse në ditë të caktuara mund të shohësh Shqipërinë nga brigjet salentine. Dhe është e pamundur ti rezistosh kësaj pamjeje. Është një fenomen jo i rrallë, i pavdekësuar në mënyrë të përsëritur nga fotografët në zonë, por tashmë që po afrohen dhe Krishtlindjet ka marrë një kuptim tjetër , nëse mendojmë për tërmetin që goditi popullin shqiptar. Të realizonte këto foto këtë herë, Giusy De Santis e pati më të vështirë duke patur parasysh atë që ndodhi në fund të nëntorit në Shqipëri, tërmeti i magnitudës 6.5 ballë, që u ndje dhe në qytetin e Puglia-s dhe që i mori jetën 51 personave: “Jam afër popullit shqiptar pas tragjedisë”, unshpreh ai.
