Ka një debat ditët e fundit për një kod që kanë firmosur kandidatët për deputetë në Partinë Demokratike. Një pikë e këtij kodi të firmosur prej tyre është se ata nuk duhet të bëjnë kritika ndaj lidershipit të PD nëse humbasin. Gjatë emsionit HARD TALK NGA ROLAND QAFOKU Kadilli shpjegoi që këtë kod e kanë marrë nga Gjermania për partitë e djathta që funksionojnë atje dhe nuk është shpikje shqiptare.
“Është një kod etik. E dini që këtë kod e ka partia e Merkelit dhe ne e kemi marrë “mot a mot” nga ata. Kam qenë vetë propozuesi i kësaj.
Ta zëmë se unë e firmosa, humba dhe shava kundërshtarin apo kolegun por kjo nuk do të thotë që do shkoj në burg për këtë. Nuk do të ketë asnjë pasojë. Kjo do të thotë që ti nuk respekton rregullat e ekipit duhet të dallojmë nëse jemi ekip apo jemi individë. Nëse është kështu secili të dalë për vete.
Loja e ekipit do dhe ca rregulla. Demokracia nuk do të thotë papërgjegjësi. Partia Demokratike nuk i thotë qepe gojën, por i thotë mbaje gojën, është ndryshe. Po deshe të mos e mbash dil përjashtë. Çfarë i bie ta bëjmë PD, han pa porta. Një ekip duhet të ketë disiplinën e vet”, tha Kadilli./Jo.Be/Fjala.al
