Ka shumë diskutim nëse procesi i vetingut në drejtësi është apo jo drejtë. Nga 267 prokurorë dhe gjykatës që i janë nënshtruar vettingut vetëm gjysma e tyre kanë kaluar. Por a mund të quhet ky një proces i suksesshëm. Arben Rakipi, deklaron për emisionin HARD TALK NGA ROLAND QAFOKU se ky është një proces i suksesshëm.
-Nga 267 prokurorë dhe gjykatës që i janë nënshtruar procesit të vetingut, 50% e tyre nuk e kanë kaluar atë. Çfarë domethënie ka për ju?
-Statistika është shkencë ekzakte dhe nuk të lë të dalësh në konkluzione të gabuara, por në këtë rast them se duhet marrë në koordinim me këtë që sapo thashë. 50% është një shifër e lartë dhe të mendosh që sistemi është asnjëanës. Shifra do konsiderohej skandaloze meqë bëhet fjalë për sistemin që duhet të sigurojë dhe japë drejtësi. Praktika në tërësi e këtyre proceseve mund të të japë raste dhe argumenta ku vendimi mund të ishte marrë më ndryshe. Mund dhe duhet të kishin zbutur një pasaktësi të karakterit ekonomik. Por kjo është çështje e atij sistemi dhe mua nuk më lejohet të ndërhyj. Ashtu siç e kam kuptuar unë procesin kur e dizenjuam e kam kuptuar pak më ndryshe. Unë do vlerësoja cilësinë e punës së kandidatit në çështje konkrete dhe përmes çështjeve të arrija të zbuloja pse kandidati ka gabuar. Sepse kjo do të ishte identifikimi i shkaqeve të gabimit, shërben edhe si ilaç për sistemin./Fjala.al/Ke.Ba
