Zgjedhjet për president në Kroaci duket se kanë shqetësuar së tepërmi presidentin e Serbisë Aleksandër Vuçiç.
Ai theksoi se kishte ndjekur ditën e sotme debatin e kandidatëve për president të Kroacisë dhe se nuk ndihej në paqe.
Vuçiç është shprehur për gazetarët se “dreqi nuk i dha paqe”, raportojnë mediat kroate.
“Dy nga gjashtë pyetjet themelore kishin të bënin me serbët ose Cirilicën. Unë dëshiroja ta shikoja profesionalisht. Mund t’ju tregoja se kë pashë në raundin e dytë dhe kush si fitues. Por nëse do ta bëja, unë do t’i lejoja të tjerët të afroheshin”, tha ai.
Vuçiç u shpreh se ajo që dëgjoi gjatë debatit nuk ishte inkurajuese. Ai shtoi se në Serbi, nga 60 pyetjet, një mund të jetë në lidhje me situatën në rajon dhe asnjë për Kroacinë./Fjala.al
