Dje kryeministri Edi Rama emëroi në krye të ministrisë së Brendshme Bledi Çuçin në vend të Sandër Lleshajt. Por si vlerësohet Bledi Çuçi si ministër i ri i këtij dikasteri. Deputetja e PS Klotilda Ferhati tha për emisionin HARD TALK NGA ROALND QAFOKU se ai është ministri i duhur për rendin dhe sigurinë.
-Si e vlerësoni ju Bledi Çuçin si ministër të Brendshëm dhe çfarë pritshmërish ka emri i tij në krye të ministrisë?
-Bledi Çuçi në kuadrin profesional është një prej ekspertëve më të mirë të PS në fushën e vet dhe është një nga njerëzit me integritetin më të lartë në PS . Është një nga njerëzit që ka qenë në momente kyçe një nga faktorët e gjetjes së zgjidhjeve dhe rrugës së duhur siç është edhe reforma zgjedhore, reforma territoriale, e ka karakterizuar profesionalizmi, përgjegjshmëria e lartë, dhe fakti që në vija të kuqe kemi standardet. Një person i prirur drejt parimeve dhe standardeve, një person i prirur drejt zgjidhjes së çështjeve, nuk mendoj se do kishte qenë zgjidhje më e mirë se ai në krye të ministrisë së Brendshme. Them që zoti Çuçi është një nga figurat më të mira të PS që e meriton më së miri këtë dhe uroj me shpirt që të vijojë gjithë procesin përpara që të përmirësojë standardet duke shtuar kështu luftën kundër kriminalitetit dhe të kenë rezultate siç edhe presin qytetarët. /Fjala.al/Ke.Ba
