Ambasadorja e Shteteve të Bashkuara në Tiranë, Yuri Kim ka zhvilluar sot një takim me kryetaren e Gjykatës Kushtetuese, Vitore Tusha.
Lajmin e ka dhënë vetë Kim, e cila përmes një postimi në twitter shkruan se Tusha tani ka përgjegjësinë që të drejtojë Gjykatën Kushtetuese në realizimin e çështjeve të mbetura.
“Takova sot gjyqtaren Vitore Tusha, për ta falënderuar atë për udhëheqjen e qëndrueshme dhe të matur të KED, e cila mundësoi funksionimin e Gjykatës Kushtetuese Shqiptare. Tani ka përgjegjësinë të drejtojë Gjykatën Kushtetuese në trajtimin e çështjeve të rëndësishme. Shtetet e Bashkuara do të vazhdojnë të jenë një mbështetës i fortë i reformës në drejtësi”, shkruan ambasadorja Kim.
