Një grua kineze e cila vuan nga koronavirusi, ka sjellë në jetë një foshnje të shëndetshme në qytetin i cili është dhe epiqendra e shpërthimit të virusit.
Mjekët vendosën të kryenin procedurën e lindjes çezariane te nëna 27-vjeçare së spitalin “Union Wuhan” pasi ajo shfaqi simptoma të një temperature të lartë dhe kollitej herë pas here.
Zhao Yin, zëvendësdrejtor në departamentin e obstetrikës dhe gjinekologjisë, kishte veshur dy kostume mbrojtëse, syze dhe një maskë për fytyrën gjatë kryerjes së operacionit për rreth një orë që zgjati operacioni.
“Mezi arrija të shihja ose të dëgjoja”, tha ai. “Dhe u mbulova nga djersët.”
Foshnja e cila peshonte 3.1 kg u dërgua në shtëpi për të shmangur rrezikun e ekspozimit ndaj virusit në spital, sipas televizionit shtetëror.
“Unë thjesht dua që fëmija im të jetë i shëndetshëm,” tha Xiaoyan, nëna e foshnjës.
Ajo ishte shtatzënë prej 37 javësh kur dyshohej se ishte prekur nga koronavirusi, megjithëse sëmundja e saj ende nuk është konfirmuar si koronavirus.
Mjekët thanë që ajo nuk mund të merrte trajtimin e duhur ndërkohë që mbante fëmijën dhe kishin frikë se gjendja e saj do të përkeqësohej.
Koronavirusi ka vrarë të paktën 106 njerëz dhe ka infektuar më shumë se 4500 në të gjithë Kinën.
Rreth 17 qytete me më shumë se 50 milion njerëz janë izoluar, pasi numri i çështjeve të konfirmuara u rrit në 4515 të hënën nga 2.835 që ishin një ditë më parë.
