Prej ditës së hënë Inspektorati Kombëtar i Mbrojtjes së Territorit ka nisur operacionin për prishjen e ndërtesave pa leje në vijën bregdetare.
Operacioni ka nisur në Ksamil dhe Velipojë, për të vijuar më pas në zonat e tjera. Sipas IKMT deri më tani në Velipojë janë prishur 10 objekte të paligjshme, ndërsa në Ksamil 18 objekte.
Ndërkohë që po punohet intensivisht për pastrimin e inerteve.
“Inspektorati Kombëtar i Mbrojtjes së Territorit prej të hënës ka nisur operacionin për pastrimin e bregdetit nga objektet e paligjshme. Operacioni ka nisur në Ksamil dhe Velipojë, për të vijuar më pas në zonat e tjera. Në Velipojë, janë prishur 10 objekte të paligjshme, ndërkohë që po punohet intensivisht me mjetet e IKMT dhe ushtrisë për pastrimin e inerteve. Në Ksamil janë prishur 18 objekte pa leje si dhe po bëhet largimi i inerteve. Gjatë punës së IKMT në të dy zonat nuk ka pasur incidente me banorët. (Shifrat nuk përfshijnë objektet e prishura nga vetë banorët)”, njofton IKMT.
