Disa kompani në Kinë kanë zhvilluar aplikacione të veçanta të cilët bëjnë të mundur identifikimin e zonave të prekura nga koronavirusi
Banorët e qytetit Shenzhen në Kinë janë duke përdorur programe hartografie dhe gjurmues udhëtimesh në mënyrë që t’i shmangin lagjet e infektuara me koronavirus, dhe të përgatiten më mirë për rreziqet me të cilat mund të përballen.
Kompanitë QuantUrban dhe WeChat kanë krijuar platforma që marrin informacione zyrtare për lagjet e infektuara nga koronavirusi. Aplikacioni u ndihmon përdoruesve për afërsitë e zonave të prekura.
Programi WeChat, i quajtur YiKuang, mbulon qytetet jugore të Shenzhen dhe Guanzhou, ndërsa QuantUrban mbulon nëntë qytete të tjera të provincës.
“Të bazohesh në këto harta është ngushëllim psikologjik, nuk mund të garantosh që nuk do të ketë të prekur por të paktën mund të shmangësh zonat e infektuara” ka shtuar ndër tjera një banore e qytetit Shenzhen.
Që nga e hëna numri i të prekurve nga koronavirusi në qytetin e Shenzhenit ka shkuar deri në 245.
Në total koronavirusi ka marrë jetën e 492 personave duke ardhur në rritje./ Fjala.al
