Për shkak të gripit dhe virozave të stinës, prej javësh, shërbimi i Urgjencës së Pediatrisë në QSUT po përballet me fluks pacientësh.
Edhe gjatë kësaj të diele numri i pacientëve ka qenë i lartë.
Prindërit e pacientëve të vegjël janë shprehur se janë të detyruar të qëndrojnë jashtë pasi brenda ka shumë njerëz, dhe kanë frikë se fëmijët mund të marrin edhe ndonjë infeksion tjetër.
“Kemi frikë të rrimë brenda nga virozat e tjera”, thonë disa prej prindërve.
Një arsye tjetër e fluksit sipas prindërve pranë Urgjencës së Pediatrisë në QSUT, krijohet pasi janë vetëm 2 mjekë në turn, dhe është e pamundur për t’u shërbyer gjithë pacientëve që presin në radhë, raporton ABC News.
Shumica e fëmijëve që kërkojnë të marrin shërbim pranë urgjencës kanë kryesisht temperaturë dhe kollë.
