Atletja Klodiana Shala ka rezultuar me doping në pjesëmarrjen e fundit të një olimpiade. Bëhet fjalë për Olimpiadën e Londrës të zhvilluar në vitin 2012.
Në përfundim të testit, Shala ka rezultuar pozitive me substancën stanozolol, edhe pse në atë kohë ajo u tërhoq nga gara në momentet e fundit për shkak të një dëmtimi.
Shala iu rinënshtrua testit të dopingut për shkak të filozofisë së re të Komiteti Olimpik Ndërkombëtar, i cili ripërsërit kontrollet nga Olimpiadat e mëparshme, ku rezultate kanë qenë vërtetë zhgënjyer. Më shumë se 100 sportistë kanë rezultuar pozitiv në testin e dopingut vetëm për vitin 2012, mes tyre dhe atletja shqiptare.
Në faqen zyrtare të Njësisë së Integritetit të Atletikës (AIU) përveç Shalës, pozitiv me doping ka dalë edhe sportistja turke Gulcan Mingir.
Shala ka përfaqësuar Shqipërinë në garën e 400 metrave në katër Olimpiada, më konkretisht në 2000, 2004 dhe 2008 ndërsa në Olimpiadën e Londër të vitit 2012, ajo u tërhoq nga gara në momentet e fundit për shkak të një dëmtimi.
