Rexhep Taip Erdogan do të zhvillojë së shpejti një vizitë zyrtare në Shqipëri. Lajmi është konfirmuar nga ministri i Jashtëm turk, Mevlüt Çavuşoğlu, gjatë konferencës së përbashkët për shtyp me homologun Gent Cakaj.
Çavuşoğlu nuk bëri me dije datën e vizitës, por theksoi se prania e tij në Tiranë është një “vizitë përgatitore në kuadër të vizitës së presidentit tonë”.
Vizita e fundit e presidentit Erdogan në Shqipëri ka qenë në maj të 2015-ës.
