Lulzim Basha tha në një deklaratë për mediat se selia e PD është e demokratëve dhe mendimit të lirë.
Ai theksoi se kjo seli nuk është e nuk do të jetë një han mesjetar ku mund të hyjnë eksponentë të botës së trafiqeve dhe krimit dhe të merret peng nga ish-zyrtarë të korruptuar të qeverisjeve të PD-së.
Për protestën e nesërme të Berishës, Basha tha se ky i fundit ka mobilizuar trafikantë dhe kriminelë për dhunë.
“Demokratëve u bëj thirrje tu rrinë larg skenarëve të dhunës që duan destabilizim dhe shkatërrimin e PD-së. Sepse edhe tani Sali Berisha po ju gënjen, manipulon dhe mashtron.
Ai kërkon ti përdorë demokratët si fasadë, sepse nesër ai ka mobilizuar kriminelë e trafikantë për dhunë. Unë e di fare mirë se demokratët janë kundër dhunës por kjo është mënyra e tij e vetme. Dhuna eshte streha e tij e fundit”, tha Basha.