Detaje të reja janë zbuluar nga atentati i dështuar pasditen e sotme në Pogradec ndaj Johan Muçllarit. Ngjarja ka ndodhur rreth orës 14:40 të pasdites, ku i riu është hasur në rrugë me Firdeus Berberin dhe Greis Maxharin, fillimisht janë përballur me fjalë, e më pas kanë nisur që të qëllojnë njëri-tjetrin me grushte.
Kjo deri në momentin kur një prej tyre ka nxjerrë armën dhe ka qëlluar me pistoletë duke plagosur në këmbë Muçllarin. Por fatmirësisht nuk i ka cënuar jetën.
Deri më tani dyshohet se i plagosur ka mbetur dhe një nga autorët, i cili është Greis Maxhari, për të cilin thuhet se është goditur me thikë. Por është e paqartë sesi është plagosur dhe si është gjendja e tij shëndetësore, por deri më tani kur kanë kaluar disa orë nga ngjarja, nuk ka shkuar ende në spital për të marrë ndihmë të specializuar mjekësore.
Ai bashkë më shokun, janë larguar nga vendi i ngjarjes me një Golf 5 ngjyrë bl, ndërsa Policia ka ngritur pika kontrolli kudo në qytet në të gjitha pikat hyrëse dhe dalëse për të bërë të mundur kapjen e tyre.
