Kohët e fundit janë shfaqur shpesh delfinë pranë brigjeve tona. Të shumta kanë qenë edhe videot e tyre duke dhuruar një spektakël të vërtetë për pushuesit që qëllonin pranë.
Por përveç tyre deti ka sjellë së fundmi edhe peshkaqenë në ujërat shqiptare.
Kështu ditën e sotme qytetarët kanë parë dy peshkaqenë relativisht të mëdhenj të cilët janë lënë nga peshkatarët pranë bregut.
Mësohet se ata janë kapur me varkë në thellësi por nuk ka informacion të saktë në lidhje me distancën e kapjes së tyre nga bregu.
