Shqipëria është kthyer në destinacionin e preferuar të shumë turistëve nga e gjithë bota në sezonin veror. Kjo është reflektuar edhe në shifra sa i përket turizmit dhe ekonomisë në vend.
Ministrja e Ekonomisë dhe Financave, Delina Ibrahimaj ka deklaruar se qarkullimi ekonomik i bizneseve të Hoteleri-Turizmit është rritur më 23% gjatë periudhës maj-qershor referuar deklaratave të TVSH-së, krahasuar me një vit më parë.
“Pothuajse të gjithë aktivitetet e këtij sektori rezultuan me rritje, përkatësisht “Akomodime të tjera” me 80% dhe “Hotele dhe struktura të ngjashme” me 57%,” shkruan ministrja në një postim në Facebook.
Po ashtu ajo ka shtuar se është rritur edhe punësimi në këtë sektor.
