Tirana dhe jo Durrësi dyshohet të jetë qyteti i fundit ku është parë Ervis Martinaj para se të humbte kontaktet me familjarët e tij.
Sipas Ora News, silueta e Ervis Martinajt është filmuar në kamerat e një biznesi në zonën e “Zogut të Zi” në Tiranë me datë 8 Gusht, një ditë pas humbjes së gjurmëve me të besuarit e tij në Durrës dhe shkëputjes së kontakteve me familjarët.
“Ora News” mëson se të dyja pamjet filmike të kamerave të sigurisë së këtyre bizneseve, janë sekuestruar tashmë nga ana e prokurorisë së Laçit, dhe po verifikohen me imtësi.
Te fundit qe pane Martinaj
Ndërkohë personat e fundit, që ai ka qënë në shoqëri në datën 7 Gusht 2022 në Durrës, ishin Jeton Lami ndihmës specialist tek operacionalja e Policisë së Shtetit dhe një vajzë nga qyteti i Durrësit.
Dhoma në hotel rezulton të jetë marë në emër të punonjësit të policisë, Jeton Lamit, i cili e ka çuar dhe atje.
Pas qëndrimit një natë atje, sërish Jeton Lami, me makinën tip “Audi A8” ka shkuar ka qëndruar disa momente me Martinaj në kafe dhe, është larguar së bashku me biznesmenin dhe vajzën në drejtim të Durrësit.
Vajza është identifikuar dhe marrë në pyetje por as ajo dhe as Jeton Lami nuk kanë treguar se ku është transportuar më pas, Ervis Martinaj.
