Alessandro Basciano i ka bërë propozimin për martesë Sophie Codegoni. Gjithçka ndodhi në një mënyrë shumë të veçantë dhe krejtësisht të papritur. Dyshja po kalonte në tapetin e kuq në Festivalin e Venecias, ku Basciano i befasoi të gjithë: fotografët, publikun dhe mbi të gjitha të dashurën e tij.
Deejay lëshoi dorën e saj që e kishte mbajtur fort pak më parë dhe u gjunjëzua para saj me unazën në dorë. Ajo që supozohej të ishte një parakalim i thjeshtë në festival, është kthyer në një eksperiencë të paharrueshme për modelen Codegoni.
Videot dhe fotot nga momenti special kanë bërë xhiron e rrjetit.
