Rreth 500 udhëheqës dhe personalitete nga Britania e Madhe dhe e gjithë bota janë ceremoninë e funeralit të Elizabeth II që po zhvillohet në Westminster Abbey.
Midis tyre, Mbretëresha Margrethe II e Danimarkës, Mbretin dhe Mbretëreshën e Butanit, Perandorin dhe Perandoreshën e Japonisë, Mbretin Philippe dhe Mbretëreshën Mathilde të Belgjikës, Mbretin Willem-Alexander dhe Mbretëreshën Maxima të Holandës dhe Mbretin Felipe dhe Mbretëreshën Letizia të Spanjës.
Mirëpo, ekziston dhe një listë me liderët që nuk janë ftuar për shkak të marrëdhënieve diplomatike jo të mira me Britaninë e Madhe ose për të tjera arsye.
Përfaqësues nga Siria, Venezuela dhe Afganistani nuk janë ftuar, raporton James Landale i BBC. Kjo pasi Britania e Madhe nuk ka marrëdhënie të plota diplomatike me këto vende.
Askush nga Rusia, Bjellorusia apo Myanmar nuk është ftuar po ashtu. Marrëdhëniet diplomatike midis Mbretërisë së Bashkuar dhe Rusisë janë shembur që nga pushtimi rus i Ukrainës, ndërsa një zëdhënës i presidentit rus Vladimir Putin tha se ai “nuk po e konsideronte” pjesëmarrjen në funeralin.
Pushtimi u nis pjesërisht nga territori i Bjellorusisë. Dhe Britania e Madhe ka zvogëluar ndjeshëm praninë e saj diplomatike në shtetin aziatik të Myanmar-it që nga një grusht shteti ushtarak që ndodhi vitin e kaluar.
Sakaq, Koreja e Veriut dhe Nikaragua janë ftuar të dërgojnë vetëm ambasadorët e tyre ndërsa krerët e shteteve nuk kanë marrë ftesa.
