Neymar ka ngritur një padi tjetër ndaj skuadrës së Barcelonës, duke e bërë të tretën radhazi ndaj klubit katalanas.
Sipas “El Mundo Deportivo” braziliani shpreson që Barça t’i paguajë 6.5 milionë euro për pagesat që lidhen me marrëveshjet e bëra në periudhën kur u transferua nga Santosi në vitin 2013.
Në dy paditë e mëparshme sulmuesi i ka kërkuar klubit katalanas që t’i paguante bonuset dhe pagat e mbetura nga koha kur luante në Spanjë.
Padinë e parë ai e ngriti në vitin 2018, në atë kohë 28-vjeçari deklaronte se ish-klubi i kishte borxh 28.6 milionë euro nga bonuset për rinovimin e kontratës së tij para se të transferohej te Paris Saint-Germaini.
Padinë e dytë Neymar e ngriti në dhjetor të vitit 2019, ndërsa ekipi i avokatëve të tij kërkonte 3.5 milionë euro për paga të papaguara nga sezoni i tij i fundit./Fjala.al/
