Në prag të tubimit të 2 marsit të thirrur nga presidenti i vendit Ilir Meta, ky i fundit ka filluar të bëhet nostalgjik për vitet ‘90.
Kreu i shtetit ka publikuar një video të fillimit të pluralizmit shqiptar, ku studentët dolën për të protestuar kundër sistemit komunist.
Ai shkruan se nuk e mendonte se do të dilte sërish në shesh për të mbrojtur demokracinë. Ndërkohë që vetë Meta bashkë me kastën e tjerë të politikanëve është po aq përgjegjës për gjendjen e rëndë të vendit në këto 30 vite.
Sipas tij, ‘vetëm paprekshmëria e Kushtetutës dhe ndëshkimi i merituar i puçistëve që e kanë dhunuar atë, do ta mbrojë popullin tonë nga instalimi i një regjimi tiranik njëpartiak dhe kleptokratik.’
Postimi i Ilir Metës: Kurrë nuk e mendoja se pas 30 viteve do të vinte kjo ditë, që të ftoja më 
mars të gjithë qytetarët e Shqipërisë, për të mbrojtur fitoren më të madhe të popullit tonë, pluralizmin politik, lirinë dhe demokracinë.
Vetëm paprekshmëria e Kushtetutës dhe ndëshkimi i merituar i puçistëve që e kanë dhunuar atë, do ta mbrojë popullin tonë nga instalimi i një regjimi tiranik njëpartiak dhe kleptokratik.
Po ndaj me ju disa emocione të miat kur një nga ish-drejtuesit kryesorë të Lëvizjes Studentore, Arben Imami më thërriste mua dhe disa studentë të rinj për të shkuar në përballjen finale me kupolën e diktaturës, që u detyrua të pranonte kapitullimin e regjimit më të pashembullt shtypës dhe izolues në kontinent.
Le ta dëgjojë nesër e gjithë bota demokratike thirrjen e popullit shqiptar: E DUAM SHQIPËRINË SI GJITHË EUROPA!
