“Kur institucionet bien, ngrihet populli.” Kishte ishte mesazhi i parë i dhënë nga presidenti Ilir Meta në protestën që po zhvillohet në bulevardin “Dëshmorët e Kombit”.
Meta u përqëndrua fillimisht te koncesionet e dhëna nga mazhoranca e Edi Ramës, duke theksuar se i ka kthyer ato në Parlament duket u bazuar te Kushtetuta. “Koncesionet kanë vetëm një qëllim, grabitjen e Shqipërisë”, shtoi ai.
“Ata tani kërkojnë edhe rrëmbimin e Gjykatës kushtetuese që oligarkët dhe klanet e tyre të përfitojnë sa më shumë dhe krimet e tyre të mbeten të pa ndëshkuara”, tha Meta.
Unë si President i Republikës, tha Meta, do të dalë i pari në ‘pranverën kuq e zi’ kundër grushtit të shtetit.
Duke akuzuar mazhorancën e Edi Ramës për ‘grusht shteti’ me tentativën për kapjen e Gjykatës Kushtetuese, Meta tha: “Ky grusht shteti nisi me vjedhjen e zgjedhjeve të vitit 2017. Dosjet e Dibrës dhe të Shijakut janë vetëm maja e ajsbergut në në atë që ndodhi në Shqipëri.”
Pasi firmosi dekretin që kthen në Parlament ligjin për betimin e anëtarëve të Gjykatës Kushtetuese te noteri, Meta bëri një paralajmërim për kryeministrin Edi Rama.
“Nëse nuk do ta marrin seriozisht thirrjen tuaj, unë betohem se atë dekret (për shpërndarjen e Parlamentit) nuk do ta firmos këtu, por në mes të Parlamentit, në mes të krimit”, theksoi Meta.
Zbardhet dekreti, çfarë firmosi sot Meta përpara protestuesve
