Ilir Alimehmeti ka dhënë dorëheqjen nga gara e primareve për bashkinë e Tiranës.
Në një dalje për mediat së bashku me Belind Këlliçin, Alihmehmeti falenderoi anëtarësinë dhe demokratët.
Ai deklaroi se do të mbështesë Këlliçin për të garuar për Tiranën në zgjedhjet vendore të 14 majit.
“Jemi këtu më pak se 24 orë nga Primaret, ku anëtarësia shprehu vullnetin me votë për herë të parë, në respekt të votës e duke falënderuar cdo votues, për një proces që shkoi pa asnjë vërejtje, u numërua me transparencë të plotë.
Që në fillim kam qenë i bindur që rolin kryesor duhet ta kishte anëtarësia që dje foli pro Këlliçit. Ju kam dalë zot që sido të shkonte do t’i isha në krah. Kjo është shenja e parë, të njohësh votën e ta respektosh. Do vijojmë punët përkundrejt fitores në 14 maj”, theksoi mjeku ndër të tjera.
Kujtojmë se gara e djeshme për Primaren e Tiranës shkoi në balotash mes Belind Këlliçit që ka marrë 4040 vota dhe mjekut Ilir Alimehmeti që ka marrë 2196 vota.
