Të paktën 175 të mitur kanë qenë viktima të sulmit seksual nga Legjionarët e Krishtit midis 1941 dhe 2019, duke përfshirë themeluesin e tyre Marcial Maciel. Këto të dhëna vijnë nga një raport i brendshëm nga kongregacioni katolik i botuar të shtunën.
Aktet u kryen nga 33 fetarë (kryesisht priftërinj) ku vetë Marcial Maciel abuzoi 60 të mitur. Ky raporti i brendshëm përfshin një periudhë që nga themelimi i Legjionarëve të Krishtit në 1941 deri në 16 dhjetor 2019.
Ky botim vjen ndërsa, Papa Françesku bëri thirrje për luftën kundër sulmeve seksuale në Kishën Katolike.
Institucioni ka qenë në trazira për disa vite, me zbulime të njëpasnjëshme mbi skandale masive të sulmeve pedofilike, të kryera për dekada nga priftërinjtë ose fetarë të cilat shpesh janë mbuluar nga hierarkia e tyre. Këto abuzime janë bërë në disa vende, veçanërisht në Shtetet e Bashkuara, në Kili ose në Gjermani.
“Pjesa dërrmuese e viktimave ishin djem adoleshentë midis 11 dhe 16 vjeç,” shpjegon teksti i publikuar në faqen ceroabusos.org, i cili varet nga Legjionarët e Krishtit.
Raporti vëren se 18 nga 33 fetarët që kanë kryer abuzime, janë ende pjesë e kongregacionit, por specifikon se ata janë larguar nga detyrat në lidhje me publikun ose të miturit.
Legjionarët e Krishtit, të cilët kanë qendra arsimore në disa vende, u distancuan nga themeluesi i tyre, përpara se të humbnin të gjitha fuqitë që kishin në dispozicion.
/Fjala.al
