Yllit televiziv Emily Atack i dërgohen qindra foto dhe mesazhe të qarta çdo ditë. Ajo pyet se çfarë i motivon burrat që e bëjnë këtë dhe çfarë mund të bëhet për t’i ndaluar ata
Çdo mëngjes kur zgjohet, Emily sheh një foto të një burri të zhveshur që nuk ka kërkuar ta shohë.
Aktorja, prezantuesja dhe humoristja 33-vjeçare ndiqet qindra herë në ditë jo në rrugë, por në internet, raporton BBC.
Atack i duhet të ballafaqohet çdo mëngjes me foto të shumta ku meshkujt i dërgojnë në rrjetet sociale organin e tyre gjenital, bashkë me përshkrime të ndryshme. Disa prej tyre janë komike, ndërsa disa të tjera janë frikësuese. Aktorja rrëfen se një burrë, “ka gjetur një mënyrë për të postuar video në profilin e saj në Twitter ku ai masturbohet”.
Por ka edhe postime më të këqija, ku një burrë e ka kërcënuar se do ta vrasë.
“Ai shkroi në Twitterin tim se do më priste me thikë, do më pinte gjakun dhe më pas do më përdhunonte”, tregoi 33-vjeçarja. Emily e cila është beqare dhe jeton në Londër pohon se ndihet e kërcënuar:
“Kur jam në shtrat natën dhe dëgjoj ndonjë zë, tmerrohem. Ndihem fizikisht e kërcënuar. Njerëzit thonë: ‘bllokoji dhe fshiji”. OK, por ata mund të vijnë në derën time.”
Ndjenja e fajit
Që në moshë shumë të re, Emily thotë se filloi të merrte vëmendje të padëshiruar nga disa burra. Për t’u përpjekur për ta mbrojtur atë, ajo thotë se të dashurit e saj i sugjeronin ndryshimin e sjelljes së saj, si të mos vendoste make-up ose tw vishte fund në shkollë.
“Është shumë jashtë kontrollit, e vetmja mënyrë që ata që të duan mund ta kontrollojnë është të të ndryshojnë,” thotë ajo. Gjatë gjithë jetës sime vetëm fajësova veten për këtë.”
“Jam nervoze për të dalë publike për të gjitha këto sepse vendos foto me bikini në Instagram, flas për seksin në emisionet e mia dhe jam shumë e pafytyrë dhe flirtuese”, thotë ajo. “Do të ketë njerëz që thonë: “Por ju kërkuat këtë vëmendje negative, çfarë prisni?”
Emily e ka përdorur gjithmonë humorin si një mekanizëm mbrojtës për të lehtësuar mesazhet, por ajo thotë se nuk është më qesharake.
