Për analistët, Edvin Kulluri dhe Skënder Minxhozi protesta e thirrur nga Berisha është e dobët, madje edhe me e dobët se Basha. Analistët u shprehën në një intervistë se protesta nuk pati asgjë të re, por më negativja sipas tyre është prezenca e pakët e qytetarëve.
“Berisha kërkon largimin e Ramës nga protestat. Ai që është lajmi sot, protesta nuk më duket në nivelin e 7 korrikut. Pjesëmarrja është shumë e dobët. Kur mungojnë sportdashësit, ka fanatikë, por stadiumi nuk mbushet, që do të thotë ka problem ekipi. Kjo është protesta më e dobët se protestat e Lulzim Bashës. Me këtë pjesëmarrje kaq të ulët, Belind Këlliçi duhet të konsiderojë tërheqjen nga zgjedhjet për bashkinë e Tiranës, pasi kjo pjesëmarrje konfirmon edhe numrin e ardhshëm të votave për opozitën”.- tha Kulluri.
Ndërsa sipas Minxhozit, u vërtetua se u zgjodh një kauzë e gabuar, në kohën e gabuar. Më pasi analisti shtoi se më negativja për opozitën është se nuk ka pjesëmarrje.
“Asgjë e re, nga bulevardi nuk ka asgjë të re. Një statistike më shumë. Asgjë e jashtëzakonshme, fatmirësisht nuk ka dhunë. Mbi të gjitha negativja për opozitën është se nuk ka pjesëmarrje.”- tha Minxhozi.
