Një skandal është zbuluar së fundmi në lidhje me shitjen e biletave për ndeshjet që janë zhvilluar në stadiumin “Air Albania”.
Gjatë ndeshjes së zhvilluar ditën e djeshme midis Tiranës dhe Laçit, ku bardheblutë fituan me rezultatin 1-0, mësohet të jetë shitur e njëjta biletë dy personave.
Në një foto të bërë publike nga “JOQ”, shihet qartë se është shitur dy herë e njëjta biletë, e cila ka pasur numrin 19 të ulëses në sektorin W103.
Tifozët që kishin paguar për të njëjtën biletë ishin në dilemë se ku duhet të uleshin, ndonëse për shkak të numrit jo shumë të madh të tifozëve, kishte shumë vende bosh në stadium, megjithatë në ndeshje me shifër të lartë pjesëmarrësish si në rastin e derbit, kjo gjë e mbush stadiumin mbi kapacitetet e tij./Fjala.al/
