Kryeministri Edi Rama e ka nisur ditën me disa mesazhe të pensionistëve, të cilët tashmë fishat e diabetit i marrin falas.
“MIRËMËNGJES dhë me mirënjohjen nga pensionistët që tashmë i marrin falas fishat e diabetit, ju uroj një ditë të mbarë” shkruan Rama në postimin e tij.
“Unë harxhoja 30 fisha në muaj. Meqë nuk kishim lekë disa i lija pa bërë” dëgjohet të thotë një i moshuar.
“Djali më tha mos u mërzit do t’i bleje unë, kur ti them tani se i kam fituar dhe i kam marrë falas” dëgjohet të thotë një tjetër.
Pacientët me diabet përfitojnë trajtimin e plotë falas, me një financim të barnave me rimbursim në vlerën 2.2 miliard lekë/vit. Rimbursimi i fishave të diabetit nisi për grupmoshën 0-18 vjeç në vitin 2018. Me pas u zgjerua edhe për të rinjtë deri 25 vjeç.
Nga 27 Shkurti 2023, fishat për matjen e glicemisë përfitohen në të gjitha farmacitë e rrjetit të hapur me kontrate me FSDKSH, edhe nga të moshuarit +65 vjeç. Janë 50 mijë qytetarë që përfitojnë fishat e diabetit me rimbursim.
