Një ekip prej 10 shkencëtarësh nga Qendra Mjekësore Erasmus në Roterdam dhe Universiteti i Utrechtit të Holandës thonë se kanë zbuluar një antitrup që arrin të shkëpusë infeksionin nga koronavirusi.
Sipas tyre ky zbulim mund të çojë në një ilaç antiviral dhe në aftësinë që njerëzit të testojnë veten në shtëpi.
Artikulli i studiuesve po shikohet në mënyrë të detajuar nga studiuesit e tjerë në platformën online BioRxiv, dhe më pas do të botohet nga revista shkencore “Nature”.
“Këtu raportojmë një antitrup monoklonal njerëzor që neutralizon SARS-CoV-2 (dhe SARS-CoV)”, thonë studiuesit.Ata pretendojnë se antitrupi që kanë zbuluar “neutralizon” virusin, dhe “ofron mundësinë për të parandaluar ose trajtuar COVID-19, dhe ndoshta edhe sëmundje të tjera që shfaqen në të ardhmen tek njerëzit.” “Me sa dimë, ky është antitrupi i parë që bllokon infeksionin,” shpjegoi Grosveld për revistën. “Të gjesh diçka të tillë është shumë e rrallë,” u shpreh ai.
