Edhe gjatë vitit 2022, popullsia e Shqipërisë vijoi tendencën rënëse.
Sipas të dhënave të publikuara nga INSTAT, më 1 janar 2023 në vendin tonë u numëruan 2.761.785 banorë, duke pësuar një rënie me 1.1% krahasuar me 1 janarin e 2022 ose thënë ndryshe, gati 32 mijë banorë më pak.
Arsyet kryesore të këtij fenomeni janë plakja e popullsisë, pasi në 2022 mosha mesatare ishte 38.8 vjeç nga 32.2 vjeç që ishte një vit më parë, si edhe emigracioni.
Shifrat e INSTAT paraqesin një tablo shqetësuese për këtë të fundit pasi vitin e shkuar emigruan 46 mijë persona ose 10.5% më shumë se në 2021.
I vetmi qark i vendit që arriti të shënojë rritje të popullsisë deri më 1 janar 2023 është Tirana, ndërsa të 11 qarqet e tjera regjistruan rënie, si pasojë e lëvizjes së banorëve drejt kryeqytetit, duke braktisur zonat e tjera.
Sipas të dhënave, gjatë vitit të shkuar Shqipëria iu rikthye shtesës natyrore pozitive, megjithatë numri i foshnjeve të lindura ishte më 9.3% më i ulët se në 2021.
