Sipas Organizatës Botërore të Shëndetësisë (OBSH), pothuajse e gjithë popullsia globale (99%), thith ajër që tejkalon kufijtë e cilësisë së ajrit të miratuar nga OBSH-së.
Për të përpiluar renditjen, janë përdorur përqendrimet mesatare 2022 të PM2.5, nga Raporti Botëror i Cilësisë së Ajrit të IQAir, për të përcaktuar qytetet kryesore me ajër më të ndotur në botë.
Si një nga treguesit standardë të cilësisë së ajrit të përdorur nga OBSH, përqendrimi i PM2.5 i referohet sasisë së grimcave të imta me një diametër prej 2.5 mikrometra ose më pak, në një vëllim të caktuar ajri.
Grimcat e imëta, që janë kaq të vogla, mund të depërtojnë në mushkëri kur thithen dhe të hyjnë në qarkullimin e gjakut, duke prekur të gjitha organet kryesore.
Bazuar në përqendrimet mesatare vjetore të PM2.5 (μg/m³) në vitin 2022, këto janë qytetet më të ndotura në botë:
Me shifra kaq të larta, përqendrimi i disa ose të gjithë ndotësve të mëposhtëm, është në nivele të rrezikshme në këto qytete:
- Ozoni në nivelin e tokës
- Grimcat
- Oksidi i karbonit
- Dioksidi i squfurit
- Dioksidi i azotit
Në krye të listës, Lahore në Pakistan, ka një kombinim të emetimeve të larta të automjeteve dhe industriale, si dhe tymin nga furrat e fabrikave të tullave, mbetjet e të korrave, djegien e përgjithshme të mbeturinave dhe pluhurin nga kantieret e ndërtimit.
Nivelet e ndotjes së ajrit, mund të ndikohen gjithashtu nga praktika të tilla si shpyllëzimi dhe mungesa e gjelbërimit, për të ndërtuar rrugë dhe ndërtesa të reja.
Si rezultat i rritjes së popullsisë dhe rritjes së shpejtë të sektorit industrial, India ka 14 qytete në listë, duke ia kaluar Kinës, e konsideruar më parë burimi numër një i ndotjes së ajrit në botë.
I vetmi vend afrikan në listë, Çadi, përjetoi stuhi të forta pluhuri në vitin 2022, që rezultuan në një rritje prej 18% të përqendrimit të PM2.5 në 2022, krahasuar me një vit më parë.
Kostoja e cilësisë së dobët të ajrit
Cilësia e dobët e ajrit, është një nga shkaqet kryesore të vdekjeve të parakohshme në mbarë botën, vetëm pas presionit të lartë të gjakut, përdorimit të duhanit dhe dietës së dobët ushqimore.
Sipas një studimi të vitit 2020 nga Instituti i Efekteve Shëndetësore, 6.67 milionë njerëz vdiqën si pasojë e ndotjes së ajrit në vitin 2019.
Përveç miliona vdekjeve të parakohshme çdo vit, kostoja globale e dëmeve shëndetësore, që lidhen me ndotjen e ajrit, aktualisht qëndron në 8.1 trilion dollarë. / Visual Capitalist
