Një ngjarje e rëndë ka ndodhur në Francë, ku efektivët e policisë kanë vrarë me armë zjarri një shofer të mitur, pasi ky i fundit nuk i është bindur urdhrit për të ndaluar.
Oficerët e policisë i kërkuan një shoferi 17-vjeçar të ndalonte për shkeljen e rregullave të trafikut, por i riu nuk pranoi dhe u përpoq të largohej. Më pas policët e qëlluan dhe e plagosën rëndë. Në automjet ndodheshin edhe dy persona të tjerë. Pasagjeri i parë u arratis, por i dyti, gjithashtu i mitur, u arrestua dhe u dërgua në paraburgim.
E gjithë ngjarja është filmuar dhe videot janë bërë virale në rrjet. Një video që po qarkullon në rrjetet sociale tregon se dy efektivët ndalojnë automjetin. Njëri i drejton armën shoferit nga dritarja dhe më pas e qëllon ndërsa ai po largohej.
Autoritetet franceze kanë nisur hetimet për vrasje të mundshme me dashje.
Le policier a-t-il pensé à ces parents ?
Y’avais que la solution de lui tirer a
bout pourtant ?Un refus d’obtempérer mérite-il une balle en plein cœur ?
Vous avez restauré la peine de mort en France ? #Nanterre pic.twitter.com/2sShnCHw31
— 𝓚𝓪𝓻𝓲𝓶 ꨄ( كريم) (@KarimAzzouz29) June 27, 2023
