Farat e kungullit mund të jenë të vogla, por janë të mbushura me vlera ushqyese. Ato ofrojnë proteina, yndyra të pangopura, fibra, magnez, anti-oksidantë dehe më shumë.
Disa nga përfitimet shëndetësore që na dhuron janë:
1. Sigurimi i antioksidantëve
Farat e kungullit përmbajnë antioksidantë duke përfshirë fenolet dhe flavonoidet.
Fenolet ndihmojnë në largimin e komponimeve që dëmtojnë qelizat në trup, të cilat mund të mbrojnë kundër plakjes dhe sëmundjeve. Efektet e tyre anti-inflamatore, antimikrobike dhe antikancerogjene janë gjithashtu të dokumentuara mirë.
Flavonoidet kanë qenë të lidhura me një spektër të gjerë të efekteve promovuese të shëndetit, duke përfshirë mbrojtjen kundër kancerit, forcimin e arterieve dhe sëmundjen e Alzheimerit. Ashtu si fenolet, flavonoidet luftojnë komponimet që dëmtojnë qelizat e shëndetshme dhe kanë efekte të forta anti-inflamatore.
Këto efekte antioksiduese mund të jenë edhe më të mëdha me farat e pjekura të kungujve. Hulumtimet tregojnë se, pas pjekjes, farat e kungullit kanë më shumë fenole dhe flavonoide.
2. Përmbajnë yndyrë të mirë
Farat e kungullit ofrojnë më shumë yndyrë sesa proteina ose karbohidrate. Ajo yndyrë është kryesisht yndyrë e pangopur dhe e poliunsaturuar.
Të dyja këto lloje të yndyrave janë treguar se reduktojnë nivelet e kolesterolit të keq në gjak, gjë që mund të ulë rrezikun e sëmundjeve të zemrës dhe goditjes në tru.
3. Të pasura me magnez
Farat e kungullit janë burimi kryesor i magnezit. Ky mineral është i nevojshëm për më shumë se 300 reagime në trup, duke përfshirë ruajtjen e funksionit të nervave dhe muskujve, mbështetjen e një sistemi të shëndetshëm imunitar, mbajtjen e rrahjeve të zemrës të qëndrueshme dhe forcimin e kockave. Magnezi gjithashtu ndihmon trupin të prodhojë energji dhe të menaxhojë nivelet e sheqerit në gjak.
4. Mund të ndihmojë në uljen e rrezikut të kancerit të gjirit
Fitoestrogjenet janë komponime natyrale në disa ushqime, si farat e kungullit, që janë të ngjashme me hormonin estrogjen.
Një studim gjerman midis grave në post-menopauzë shqyrtoi lidhjen e ushqimeve të pasura me fitoestrogjen dhe rrezikun e kancerit të gjirit. Studiuesit mblodhën të dhëna nga më shumë se 8,000 gra dhe arritën në përfundimin se konsumi i ushqimeve me fitoestrogjene, duke përfshirë farat e kungullit, ishte i lidhur me ulje të ndjeshme të rrezikut të kancerit të gjirit në krahasim me mosngrënia e këtyre ushqimeve.
Studime të vogla, kryesisht paraprake, kanë treguar se ekstraktet e farave të kungullit mund të reduktojë simptomat e zmadhimit të prostatës, të tilla si zgjimi në mes të natës për të urinuar, për meshkujt e moshës 50 deri në 75 vjeç. Gjithashtu përmirësojnë shëndetin e zemrës tek gratë që kanë kaluar nëpër menopauzë, si për shembull duke ulur presionin e gjakut dhe duke përmirësuar rrjedhën e gjakut dhe menaxhon fshikëzën tepër aktive duke reduktuar simptomat si urinimi i shpeshtë./ S.M
