Pavarësisht nga situata, ministri Arben Ahmetaj tha se plani i rindërtimit pas tërmetit do të vijojë dhe në 31 dhjetor qytetarët do të futen në shtëpitë e reja.
Ahmetaj sqaroi se janë hapur dy tendera të mëdhenj, një për 3400 shtëpi, tjetri për 46 shkolla.
“Asgjë nuk është anuluar, po punojmë me komisionin për 115 mln eurot, një pjesë është arkëtuar. Jemi në diskutime në vazhdimësi me Turqinë, por edhe Bankën Islamike, etj.
Plani i rindërtimit vijon, janë hapur dy tendera të mëdhenj, një për 3400 shtëpi dhe mbyllet në mëngjeset e javës që vjen, në datë 28 mbyllet tenderi për 46 shkolla. Në 31 dhjetor ato qytetarë do të futen në shtëpi” tha Ahmetaj në një lidhje live me Skype në emisionin ‘5 pyetje nga Babaramo’ në Report Tv.
