Xavi beson se është i gatshëm të marrë drejtimin e Barcelonës. Mesfushori e kaloi pjesën më të madhe të karrierës së tij duke luajtur me Barcelonën, që nga viti 1998 deri në 2015, duke luajtur më shumë se 700 ndeshje për katalanasit.
Gjatë kohës së angazhimit te Barcelona, Xavi fitoi 8 tituj të La Ligës dhe ngriti katër trofe të Ligës së Kampionëve.
Ai ka luajtur një rol vendimtar në tre fitoret e njëpasnjëshme të Spanjës në Europianin dhe Kupës së Botës, përkatësisht në Euro 2008, 2012, dhe Kupën e Botës 2010.
Në vitet e fundit ai ka drejtuar klubin e Katar Stars League Al Sadd, ku ai përfundoi edhe karrierën e tij futbollit, ndërsa tani ka ardhur koha për të marrë drejtimin e Barcelonës.
“Jam i qartë në çfarë kërkoj dhe dua të kthehem te Barcelona, jam shumë i emocionuar” tha Xavi gjatë një interviste me La Vanguardia.
Nga ana tjetër, Barcelona ka treguar interes për ish-mesfushorin e saj. Në këtë mënyrë Xavi mund të marrë drejtimin e Barcelonës pas largimit të Ernesto Valverdes.
