Michelle Bennett nuk mundi të ishte afër nënës së saj të infektuar me koronavirus, 75-vjeçares, Carolann Christine Gann në momentet e fundit të jetës së saj.
“Nuk mund të jem atje dhe të mbaj dorën e nënës sime, t’i fërkoj kokën dhe t’i tregoj asaj gjërat që kam dashur t’i them. Ishte një ndjenjë kaq e pafuqishme”, tha Bennett për CNN të hënën.
Bennett tha se një infermiere në spitalin Suedez Issaquah në Uashington e thirri atë nga celulari personal dhe tha që frymëmarrja e nënës së saj po ndryshonte dhe ndoshta mund të ndërronte jetë nga momenti në moment.
“Unë po vendos telefonin përballë nënës tuaj në mënyrë që t’i tregoni asaj se e doni dhe t’i thoni lamtumirë. Nëna jote nuk do jetë vetëm, do qëndrojmë me të deri në fund”, i kishte thënë infermierja Bennet.
Bennet foli për rreth 10 minuta në FaceTime me të ëmën. Gjatë bisedës ajo zbuloi se marrëdhëniet me nënën nuk i kishte shumë të mira si çdo marrëdhënie nënë-bije që ndonjëherë edhe prishen.
“Unë të dua shumë, dhe të fal”, i thotë Bennet në telefon nënës.
Pas kësaj nëna e Bennet ndërroi jetë.
