Një 90-vjeçare e cila rezultoi pozitive me Covid-19, në Belgjikë, vdiq pasi vetëmohoi respiratorin artificail dhe u kërkoi mjekëve që “ta ruanin këtë për pacientët më të rinj”.
Suzanne Hoylaerts nga Binkom, afër Lubbeek, u shtrua në spital në 20 mars kur gjendja e saj u përkeqësua me shpejtësi pas infektimit të COVID-19.
Hoylaerts u shtrua në spital pasi kishte mungesë të oreksit dhe probleme me frymëmarrjen. Pasi u testua dhe rezultoi pozitive me koronavirusin, ajo u vendos në izolim, që do të thotë se vajza e saj nuk ishte në gjendje të vizitonte.
Ajo thuhet se u tha mjekëve në spital: ‘Nuk dua të përdor frymëmarrje artificiale. Ruani atë për pacientët më të rinj. Kam pasur një jetë të mirë ’.
Hoylaerts ndërroi jetë dy ditë pasi ajo u shtrua në spital, në 22 Mars. Vajza e saj, Judith i tha gazetës Hollandeze Het Laatste Nieuës: ‘Unë nuk munda ti them lamtumirë asaj, dhe as nuk kisha asnjë shans për të marrë pjesë në funeralin e saj.’
Sipas Judith, familja ishte e habitur se si nëna e tyre mund të ishte infektuar me virusin pasi ajo kishte qëndruar vetëm në shtëpi dhe po respektonte me kujdes masat e izolimit.
Tashmë Belgjika ka regjistruar 705 vdekje sipas numrit zyrtar./Daily Mail
