Deputetët e rinj të Parlamentit të Kosovës janë betuar ditën e sotme, pasi u zgjodhën nga zgjedhjet e parakohshme të zhvilluara në tetor, ndërkohë që qeveria ende nuk është krijuar.
Fillimisht u bë verifikimi i mandateve të 111 deputetëve, ndërkohë që surprizë ka qënë kandidatura për kreun e Parlamentit, ku në këtë detyrë është propozuar dhe më pas miratuar Glauk Konjufca.
Gjithsej kanë qenë të pranishëm 120 deputetë në sallë, ndërkohë që 9 deputetë mungonin në seancë, prandaj do të mund ta bëjnë betimin në seancën e radhës. Glauk Konjufca, i propozuar nga Albin Kurti është zgjedhur kryetar parlamenti me 75 vota pro, 27 kundër dhe 6 abstenim.
Në seancë mungojnë Ramush Haradinaj, Abelard Tahiri, Uran Ismajli, Pal Lekaj, Enver Hogjaj e të tjer1%. U vu re se në seancën në fjalë, Lëvizja Vet-Vendosja mbante me vete edhe flamurin kombëtar.
Po kështu janë miratuar me 104 vota pro, 1 kundër dhe 3 abstenim, tre nënkryetarët e Kuvendit të Kosovës, propozuar nga LVV, LDK dhe PDK. Përkatësisht Arberie Nagavci nga LVV, Kujtim Shala nga LDK dhe Memli Krasniqi nga PDK.
Ndërkohë, nënkryetarë do të jenë Kujtim Shala, Arbërie Nagavci dhe Memli Krasniqi. Në sallën e Kuvendit, aktualisht mungojnë disa ministra dhe Kryeministri në detyrë Ramush Haradinaj./Fjala.al/
