Ministria e Shëndetësisë bëri sot me dije se janë regjistruar 17 raste të reja të infektimit me COVID-19 në Shqipëri. Kjo shifër vijon të tregojë një sjellje të ndryshme të virusit në vendin tonë, nga ajo që po ndodh në vende të tjera të Evropës.
Edhe pse kemi hyrë në javën e katërt të izolimit, kurba e infeksioneve nuk është në rënie, ashtu siç pritej. Nga 6 raste dje, sot u konfirmuan 17 raste të infektimit dhe këto ulje-ngritje kanë qenë të vazhdueshme gjatë gjithë muajit mars dhe fillimit të muajit prill.
Stafi mjekësor që po zbaton strategjinë e luftës me koronavirusin këmbëngul se rruga që po ndiqet është duhura, pa patur nevojë për teste masive. Por nga ana tjetër, janë mjekë dhe ekspertë shqiptarë që jetojnë jashtë vendit, të cilët po deklarojnë vazhdimisht se testet masive janë e vetmja zgjidhje për të fituar luftën me COVID-19.
400 është numri i personave të infektuar në Shqipëri.
