Një infermiere e ICU e cila po punon në vijën e parë në luftën kundër COVID-19 ka rrëfyer një realitet të krijuar nga ky virus, duke paralajmëruar se ‘askush nuk ka dalë i gjallë nga reparti ku ajo punon”.
Aleixandrea Macias, 24 vjeç, nga Brownsville, Texas, bëri një postim në Facebook mesnatën e të hënës pasi kishte 11 ditë që kuronte pacientët me koronavirus.
Ndërsa postoi një foto të vetes me lot në sy, duke treguar dhe plagët që i ishin shkaktuar në fytyrë nga veshja, nëna e katër fëmijëve rrëfeu se kurrë nuk ka parë diçka si ky virusi. Ajo shkruan se ndjehet sikur lufta e saj kundër koronavirusit ka qenë një lojë për të parë se sa kohë mund t’i mbajë pacientët gjysmë të gjallë.
Aleixandrea, infermiere e ICU, përshkroi se çdo ditë është një luftë për të shpëtuar pacientët, por shumë prej tyre vdesin dhe ajo shpesh ndihej se përpjekjet e saja ishin gjithnjë e më shumë ‘të kota’.
“Asnjëherë nuk kam parë diçka të tillë më parë, kurrë nuk jam kujdesur për dikë që është aq i shëndetshëm, por në të njëjtën kohë kaq i sëmurë” shkroi ajo.
‘Duke qenë se punoj në ICU, unë kujdesem çdo ditë për pacientët e mi deri në momentin që vdesin. Askush nuk ka dalë ndryshe nga reparti jonë përveçse kufomë e mbledhur me qese’.
Punonjësja e kujdesit shëndetësor gjithashtu shprehu zemërimin e saj për mungesën e stafit dhe furnizimeve – duke paralajmëruar se ajo dhe kolegët e saj nuk janë në gjendje të bëjnë gjithçka në fuqinë e tyre për të shpëtuar njerëz, sepse ata nuk kanë mjetet e nevojshme./DM
