Tashmë është vërtetuar se koronavirusi nuk godet vetëm moshën e tretë, por edhe të rinjtë. Por si e përjetojnë të rinjtë koronavirusin kur ata infektohen nga kjo sëmundje? Një 25 vjeçar nga Anglia ka treguar rrëfen tmerrin që ka përjetuar nga Covid-19.
Calum Wishart nga Britania e Madhe, shprehet se në fillim e kishte nënvlerësuar koronavirusin dhe ky sipas tij, ishte një qëndrim i gabuar, duke e nënvlerësuar atë.
Por, më pas ai kishte shfaqur probleme me frymëmarrjen, kollë të fortë e për këtë arsye u shtrua në spital, shkruan The Mirror.
“Mendoja se ngaqë isha i ri sëmundja nuk do të ndikonte tek unë, se do të ishte njëlloj si gripi. Por kisha një qëndrim plotësisht të gabuar. Kam nënvlerësuar ndikimin e vërtetë të virusit. Njerëzit duhet të dëgjojnë, ata duhet ta marrin seriozisht këtë,”-ka thënë 25-vjeçari.
