Mjeku Pëllumb Pipero, gjatë një komunikate me Skype për News24, tha se këtë javë pritet që numri i të prekurve të vijë duke u ulur, por gjithësesi është ende herët për të festuar.
Sipas tij piku i koronavirusit në Shqipëri ka kaluar dhe tashmë është momenti që të ketë një lehtësim të masave, por me pikatore. Pipero tha se lehtësimi i masave duhet të jetë i shoqëruar me monitorim të situatës dhe shtim të testeve në qendrate e mëdha të punësimit
“Unë vazhdoj të mbetem i mendimit që këtë javë numrat do vijnë duke u ulur, por gjithësesi është herët për të festuar. Kjo është koha kur duhet të jemi të përgjegjshëm. Masat e marra duhet të na cojnë drejt një analize të gjërë të situatës që të ndërtojmë një strategji të re, për kontrollin të situatës”
“Unë kam qenë partizan i fillimit të lehtësimit të masave me pikatore, i japin gjallëri ekonomisë dhe ulin panikun, efekti psikologjik i motivon qytetarët, tregon që nëse zbatohen masat mundësia për të dalë është më e afërt, por nga ana tjetër duhet të ndërtohet monitorimi i situatës, të ketë shtim të testeve, të mos kufizohemi vetëm te rastet e kontaktit, të bëhen teste të shpejta në qendra të mëdha punësimi apo ndërmarrje, analiza seriologjike”,- tha mjeku Pipero./Fjala.al
